Нэгдүгээр сард мэндэлсэн бөхчүүд

Шинэ оны эхний сард мэндэлсэн бөхчүүдийн төрсөн өдрийн талаар товч мэдээлэл хүргэе. Нэгдүгээр сарын 1-нд Говь-Алтай аймгийн Бугат сумын харьяат, улсын начин Ду.Батбаяр, Архангай аймгийн Батцэнгэл сумын харьяат, аймгийн арслан Л.Шинэбаатар нар мэндэлсэн бол өнөөдөр буюу 4-нд Ховд аймгийн харьяат, аймгийн заан Д.Гансүх мэндэлжээ. Харин энэ сарын 6-нд Дорноговь аймгийн харьяат, улсын начин А.Хатансайхан, 7-нд Өвөрхангай аймгийн уугуул, улсын аварга Д.Сумъяабазар, 16-нд Ховд аймгийн харьяат, улсын заан Ц.Мягмарсүрэн, 22-нд Говь-Алтай аймгийн харьяат, улсын гарьд Ж.Бат-Эрдэнэ, Хөвсгөл аймгийн харьяат, улсын начин А.Батмөнх, 31-нд Архангай аймгийн харьяат, улсын харцага Г.Батбаяр нар дуулим хорвоод дуугаа хадаан мэндэлжээ.