“Нэхмэлийн шар”-ын байруудыг нурааж, шинэ байр барих ажил эхэллээ

Хан-Уул дүүргийн 2, 3 дугаар хорооны “Нэхмэлийн шар” гэх тодотголтой нийт 20 байрыг “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах журам”-ын дагуу буулгаж дахин төлөвлөн, барилгажуулах шийдвэр гарсан. Энэхүү шийдвэрийн дагуу байруудыг таван багц болгон хувааж, тендер зарласан бөгөөд III багцад “Нутгийн буян групп” ХХК шалгарсан аж. Тус компани нэхмэлийн 15, 19 дүгээр байрны 0.56 га талбайд 416 айлын орон сууц, 150 хүүхдийн цэцэрлэг барьж байгуулах бөгөөд энэ сарын 5-наас эхний ээлжинд 14 дүгээр байрыг буулгаж, 160 айлын орон сууц барих барилгын ажлыг эхлүүлсэн байна.