“Нэн түрүүнд Хөдөлмөрийн аюулгүй байдал-2014” үзэсгэлэн эхэллээ

Монголын Уул уурхайн үндэсний ассоциацаас зохион байгуулж буй “Нэн түрүүнд Хөдөлмөрийн аюулгүй байдал-2014” бага хурал, үзэсгэлэн өнөөдөр Эрдэнэт хотод эхэллээ.

Бага хурал Хөдөлмөрийн аюулгүй байдал, эрүүл ахуйн “Төрийн бодлого ба талуудын оролцоо”, “Удирдлагын тогтолцоо, компанийн сайн туршлага” гэсэн үндсэн хоёр хэсэгт өрнөж, ХАБЭА-н тухай хуульд оруулах нэмэлт, өөрчлөлт, өнөөгийн байдал, анхаарах асуудал сэдэвт илтгэлүүд тавигдаж, хэлэлцүүлэх ажээ.

Мөн уг хуралд Хөдөлмөрийн яам, Мэргэжлийн хяналтын ерөнхий газар, Монголын ажил олгогч, эздийн нэгдсэн холбоо, Стандартчилал, хэмжил зүйн газрын удирдлагууд оролцож байна.