Нийслэл хотоо нийтээрээ цэвэрлэнэ

Улаанбаатар хотын Захирагчийн ажлын албанаас Нийслэлийн өдрийг угтан иргэдийнхээ ая тухтай ажиллаж амьдрах таатай орчин нөхцлийг бүрдүүлэхээр 10 сарын 26-ны өдрийн Бямба гаригт бүх нийтийн цэвэрлэгээ зохион байгуулж байна. Цэвэрлэгээний үеэр нийслэлийн төр захиргааны байгууллагууд хариуцсан хуваарьт талбайгаа цэвэрлэнэ.

Дүүргүүд өөрсдийн нутаг дэвсгэрт үйл ажиллагаа явуулж буй аж ахуйн нэгж байгууллагууд, иргэдийг цэвэрлэгээнд гаргах ажлыг зохион байгуулах юм байна.