Нийслэлчүүдийн сүүний хэрэглээний найман хувийг фермерүүд хангадаг

Нийслэлийн иргэдийг шинэ сүүгээр шууд хангаж, үнийг тогтвортой байлгах нь чухал гэж үйлдвэрлэгчид онцлолоо.

Өнөөдрийн байдлаар нийслэлийн иргэдийн сүүний хэрэглээний 92 хувийг хуурай сүү болон импортын сүүгээр хангадаг. Харин үлдсэн найман хувийг нийслэлийн эргэн тойронд үйл ажиллагаа явуулж байгаа сүүний фермерүүд иргэдэд хүргэдэг байна.

Нийслэлийн иргэдийн сүүний хэрэглээг дотооддоо хангахын тулд ямар бодлого шаардлагатайг хэлэлцэхээр “Монголын фермер”-үүдийн холбооноос үндэсний чуулган зохион байгуулна гэж Сүүний холбооны тэргүүн н.Амарцэнгэл тайлбарлалаа.