Нийслэлийн 152 хороонд зээл олгох журам батлагдлаа

Бичил бизнес эрхлэх хүсэлтэй нийслэлийн иргэд хоршоо байгуулан тав хүртэлх сая төгрөгийн зээл авах боломжтой юм. Тодруулбал, нийслэлийн 152 хороонд тус бүр дунджаар 100 сая төгрөгийг бичил бизнес эрхлэгчдэд олгохоор журам батлагдсан байна.

Харин ингэхдээ иргэд тав хүртлэх сая төгрөгийг сарын 1.2 хувийн хүүтэй зээлэх юм. Бичил зээлийг аж ахуйн нэгж байгууллагад олгохгүй, хамгийн гол нь ажилгүй иргэн, өрх, бүлгийг хамруулна гэж журамд заасан.

Өнөөдрийн байдлаар иргэд хороондоо хоршоогоо байгуулчих л юм бол санхүүжилт ороход бэлэн болжээ.

Энэ талаар "Бичил бизнесийг дэмжих сан”-гийн мэргэжилтэн н.Анхзаяа ярилаа.