Нийслэлийн дагуул хотуудын Захирагчийн сонгуулийн тов зарлах тухай асуудлыг хэлэлцэнэ

НИТХ-ын Тэргүүлэгчдийн ээлжит хуралдаан дөрөвдүгээр сарын 10-ны өдөр буюу Баасан гарагт болно. Хуралдаанаар дараахь асуудлыг хэлэлцэнэ. Үүнд:

• Хөрөнгө бүртгэлээс хасах тухай / Баянзүрх дүүргийн тавдугаар хороонд байрлах конторын болон усны тоолуурын лабораторийн барилга байгууламж /

• Хөрөнгө бүртгэлээс хасах тухай / Баянгол дүүргийн Эрүүл мэндийн төвийн балансад бүртгэлтэй нэгдүгээр амбулаторийн барилга, инженерийн шугам сүлжээ /

• Хөрөнгө бүртгэлээс хасах тухай / Сүхбаатар дүүргийн 6 дугаар хороонд байрлах Засаг захиргааны зургаадугаар байрны барилга, инженерийн шугам, сүлжээ, эд хөрөнгө/

• Хөрөнгө бүртгэн авах тухай / Хан-Уул дүүргийн Цагдаагийн тасгийн оффисийн зориулалттай 2 давхар барилга /

• Хөрөнгө бүртгэн авах тухай / Сүхбаатар дүүргийн нутаг дэвсгэрт шинээр баригдсан гүний худгууд /

• Концесс олгох гэрээнд өөрчлөлт оруулах тухай / Налайх дүүргийн тавдугаар хороонд байрлах 640 хүүхдийн сургууль барих төслийг хэрэгжүүлэх “Магнус капитал” ХХК-ийн гэрээ /

• НИТХ-ын Тэргүүлэгчдийн 2014 оны 116, 136 дугаар тогтоолоор баталсан нийслэлийн өмчийн хуулийн этгээдийн удирдах зөвлөлийн гишүүдийг өөрчлөн томилох тухай

• Олон нийтийн цагдаагийн ажилтанд олгох урамшууллын хэмжээг тогтоох тухай

• Цэргийн албыг дүйцүүлэн хаах иргэдийн тооны дээд хязгаар батлах тухай

• Алдарт эхийн одонг тодорхойлох тухай

• Шашны байгууллагуудын хугацааг сунгах тухай

• Нийслэлийн дагуул хотуудын Захирагчийн сонгуулийн тов зарлах тухай асуудлыг хэлэлцэнэ.