Нийслэлийн хэмжээнд 4030 тонн давс, 6260 тонн бодисын нөөцтэй байна

2025 оны нэгдүгээр сарын 27-ны өдрийн 10:00 цагийн байдлаар нийслэлийн хэмжээнд нийтийн эзэмшлийн зам талбайг нийт 36 байгууллагын 1200 гаруй зам талбайн үйлчлэгч, 230 гаруй тусгай зориулалтын техник хэрэгсэлтэйгээр цэвэрлэж байна.

Нийслэлийн хэмжээнд нийт 4030 тонн давс, 6260 тонн бодисын үлдэгдэлтэй байна.

Мөн иргэд та бүхэн өөрсдийн зорчдог явган зам халтиргаатай байвал 11-310005 утсаар мэдээлэл өгч, хамтарч ажиллахыг Улаанбаатар хотын Захирагчийн ажлын албанаас уриалж байна.