Нийслэлийн хэмжээнд бүртгэгдсэн 38 удаагийн дуудлагаар ажиллажээ

Нийслэлийн хэмжээнд 2022 оны нэгдүгээр сарын 10-16-ны өдрүүдэд гал түймрийн 35, аврах ажиллагааны 3, нийт 38 удаагийн дуудлага бүртгэгдлээ.

Дээрх дуудлагын тоог өмнөх оны мөн үеийнхтэй харьцуулбал 29.6 хувиар өссөн дүнтэй байна.

Дээрх хугацаанд гал түймрээс тэрбум төгрөгийн эд хөрөнгийг авран хамгаалж, утаажилтын бүсээс нэг иргэнийг гаргаж ажиллалаа.

Харин гал түймэрт өртөж нас барсан иргэнийг Багахангай дүүргийн Цагдаагийн хэлтэст хүлээлгэн өглөө гэж нийслэлийн Онцгой байдлын газраас мэдээллээ.