Нийслэлийн хэмжээнд таван хэсэгт зам хаажээ

Хан-Уул дүүргийн Ахуйн үйлчилгээний ордны баруун хойд уулзварыг өнөөдөр хаалаа. Тус хэсгийн замд хучилт хийхээр “Си Эф Си” компани ажиллаж байгаа юм. Түүнчлэн Сонсголонгийн гүүрний урд хэсгийн замыг хэсэгчлэн хаасан тухай холбогдох албаныхан мэдээллээ. Тиймээс авто замын засвар, өргөтгөл хийж байгаа хэсгээр зорчихгүй байхыг Нийслэлийн замын цагдаагийн газрын Урьдчилан сэргийлэх хэлтсийн ажилтан н.Ундармаа анхаарууллаа.

Ийнхүү зам засварын ажилтай холбоотойгоор нийслэлийн хэмжээнд өнөөдрийн байдлаар таван хэсэгт замыг хэсэгчлэн хаагаад байна.