Нийслэлийн орон сууцны корпорацийг байгууллаа

Өнөөдөр нийслэлийн иргэдийн төлөөлөгчдийн тэргүүлэгчдийн хурлаар Нийслэлийн орон сууцны корпорацийг байгууллаа. Ингэснээр нийслэлийн хэмжээнд хэрэгжиж байгаа орон сууцжуулах хөтөлбөрүүдийг зохицуулах нэгдсэн байгууллагатай болж байгаа юм.

Нийслэлд орон сууцанд орох шаардлагатай 200 гаруй мянган иргэн байдаг байна. Харин үүний 64 мянга орчим нь байрны урьдчилгаа 30 хувиа төлөх чадвартай байдаг. Тиймээс бага, дунд орлоготой иргэдийг орон сууцжуулахад нь дэмжих зорилгоор тус корпорацийг байгуулж байна гэж Нийслэлийн засаг даргын орлогч С.Очирбат хэллээ.