Нийслэлийн зарим хороонд шахмал түлшний нийлүүлэлт муу байна

МҮОНРТ-ийн "Монголын мэдээ" сувгийн "Цагийн хүрд" мэдээллийн хөтөлбөр: Агаарын бохирдлыг бууруулах зорилготой Засгийн газрын 62 дугаар тогтоолын хэрэгжилтийг хангуулах зорилгоор энэ өвөл нийслэлчүүд сайжруулсан шахмал түлш хэрэглэж байгаа. Намраас авахуулаад өдийг хүртэлх хугацаанд галлагаатай холбоотой асуудлууд гардаг байсан ч одоо иргэд харьцангуй хэрэглэж хэвшээд байна. Харин түлшний хүртээмжийн хувьд хангалтгүй байна гэх мэдээлэл иргэдээс ирсээр байгаа юм. Үүнийг тодруулахаар манай сурвалжлах хэсэг Сонгинохайрхан дүүрэгт ажиллалаа.