Нийт дуудлагын 64 хувийг обьектын гал түймэр эзэлж байна

Өнгөрсөн долоо хоногт нийслэлийн 8 дүүрэг, 18 аймгийн 25 суманд аюулт үзэгдэл, ослын 69 удаагийн дуудлага бүртгэгдлээ.

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 5 иргэний амь насыг авран хамгаалж, тусламж үйлчилгээ үзүүлсэн байна.

Нийт дуудлагын 64 хувь буюу 44 нь обьектын гал түймэр, 28 хувь буюу 19 нь бусад /гол, усны осол, зам тээврийн осол гэх мэт/, 6 хувь буюу 4 нь үер, 2 хувь буюу 2 нь газар хөдлөлт, холбоотой ослын дуудлага байна гэж ОБЕГ-аас мэдээллээ.