Нийт шүүгчийн хуралдаан боллоо

Монгол Улсын дээд шүүхийн нийт шүүгчийн хуралдаан 2025 оны 01 дүгээр сарын 20-ны өдөр боллоо.

Хуралдаанаар Монгол Улсын Үндсэн хуулийн цэцээс тайлбар гаргуулах хүсэлт ирүүлсэн албан бичгийн тухай хэлэлцэж, хариу хүргүүлэхээр тогтож, Иргэний хөдөлгөөний намын нэрийн өөрчлөлтийг бүртгэж, тус намын дүрмийн өөрчлөлтийг бүртгэхээс татгалзав.

Мөн Үнэн ба зөв намын дүрмийн өөрчлөлт болон намын даргыг бүртгүүлэх тухай өргөдлүүдэд тус тус хавсаргасан баримт бичиг хуулийн шаардлага хангаагүй үндэслэлээр бүртгэхээс татгалзаж шийдвэрлэлээ.