Нийтийн аж ахуйн салбарт 10 гаруй тэрбум төгрөгийн хөрөнгө оруулалт хийжээ

Өвөрхангай аймагт сүүлийн гурван жилийн хугацаанд нийтийн аж ахуйн салбарт 10 гаруй тэрбум төгрөгийн хөрөнгө оруулалт хийжээ. Ингэснээр энэ салбар 2014 онд анх удаа ашигтай ажилласан байна. 100 орчим сая төгрөгийн ашигтай ажиллаж, ажилчдынхаа цалинг нэмж, удаан жилийн нэмэгдэл олгодог болсоноор тогтвор суурьшилтай ажиллах нөхцөл бүрдсэн байна.

Мөн үйл ажиллагаагаа өргөжүүлж, бетон зуурмагийн цех байгуулж, мэргэжил эзэмшүүлэх, дээшлүүлэх сургалт явууллаа гэж “Онги ус суваг” компанийн захирал О.Лхагвасүрэн ярьж байна.