Нийтийн тээвэрт үйлчилж байсан троллейбуснуудыг зогсоожээ

Нийтийн тээврийн үйлчилгээ үзүүлдэг байсан 23 троллейбусыг энэ сарын 1-нээс бүрэн зогсоожээ. Үйлчилгээнд явж байсан троллейбусны насжилт нь дуусчээ.

2025 оны төсөвт нэмэлтээр их багтаамжийн нийтийн тээвэр болон троллейбус авах саналаа нийтийн тээврийн газраас хүргүүлсэн байна. Нийтийн тээврийн үйлчилгээний хүртээмжийг нэмэгдүүлэх зорилгоор их багтаамжийн 100 автобус, 50 троллейбус авахаар төлөвлөж төсөвт саналаа хүргүүлснээ Нийтийн тээврийн бодлогын газраас мэдээлсэн.

Нийслэлийн нийтийн тээвэрт одоогийн байдлаар 1132 автобус нийтийн тээврийн үйлчилгээнд явж байгаа аж.