Нийтийн тээврийн автобус шатлаа

“Өлзийт хороолол”-ын чиглэлд нийтийн тээврийн үйлчилгээ үзүүлдэг 23-43 УБЧ улсын дугаартай автобус шатлаа. Уг автобусыг мотор цохисон гэх шалтгаанаар засварын газар руу чирж явсан бөгөөд гэнэт гал авалцсан байна.

"Вива сити" хорооллын урд зам дээр уг хэрэг болжээ. Галын улмаас автобус бүхэлдээ шатсан хэдий ч хүн бэртэж гэмтээгүй аж. Галын шалтгааныг тогтоохоор Нийслэлийн онцгой байдлын газрыхан ажиллаж байна.