Нийтийн тээврийн байгууллагын өвөлжилтийн бэлэн байдлыг шалгаж байна

Нийслэлийн Онцгой байдлын газраас Нийтийн тээврийн газартай хамтран нийтийн тээврийн байгууллагын 2020-2021 оны өвөлжилтийн бэлтгэл ажлыг хангуулах төлөвлөгөөт хяналт шалгалтыг зохион байгуулж байна. Шалгалтад нийслэлийн хэмжээнд үйл ажиллагаа явуулж байгаа 23 аж, ахуйн нэгжийг хамруулах юм.

Тээврийн хэрэгслийн бэлэн байдлыг хангуулах, болзошгүй аюулт үзэгдэл, техникийн холбогдолтой ослоос урьдчилан сэргийлэх зорилготой хяналт шалгалт энэ сарын 8-ныг хүртэл үргэлжилнэ гэж нийслэлийн Онцгой байдлын газраас мэдээллээ.