Николис Хайсомыг БХЯ-ны “Дайчин алдар” медалиар шагнажээ
БХЯ-ны “Дайчин алдар” медалиар БНӨСУ-ын энхийг сахиулах ажиллагааг удирдахаар шинээр томилогдсон НҮБ-ын Ерөнхий нарийн бичгийн даргын тусгай /SRSG/ төлөөлөгч ноён Николис Хайсомыг шагнасныг бригадын генерал Б.Эрдэнэбат гардуулжээ.
Мэдээллийн алба
Ардын хувьсгалын 100 жил, Батлан хамгаалах яам үүсэн байгуулагдсаны 110 жилийн ойг тохиолдуулан БХЯ-ны “Дайчин алдар” медалиар БНӨСУ-ын энхийг сахиулах ажиллагааг удирдахаар шинээр томилогдсон НҮБ-ын Ерөнхий нарийн бичгийн даргын тусгай /SRSG/ төлөөлөгч ноён Николис Хайсомыг шагнасныг бригадын генерал Б.Эрдэнэбат гардуулжээ.
Энэ үеэр Николис Хайсом Монгол Улс НҮБ-ын гишүүн орны хувьд олон улсын энх тайван аюулгүй байдлыг хангахад үнэтэй хувь нэмэр оруулж БНӨСУ-д явагдаж байгаа энхийг сахиулах ажиллагаанд цэргийн багаа илгээснээс хойш 9 жил болсон бөгөөд тус ажиллагааны халуун цэг болох Юнити мужид Монгол Улсын цэргийн баг мандатаар заагдсан үүргээ сайн гүйцэтгэж байгааг онцоллоо. Мөн тэрбээр Батлан хамгаалахын сайдад талархсан сэтгэлээ илэрхийлээд цаашид байнга хамтран ажиллана гэв.
Эх сурвалж: “Соёмбо” сонин
