НИТХ-ын тэргүүлэгчдийн бүрэлдэхүүнд өөрчлөлт орлоо

НИТХ-ын 15 дугаар ээлжит хуралдаан өнөөдөр болж МАН-ын бүлгээс тэргүүлэгчээр сонгогдсон С.Амарсайхан, Г.Төмөрбаатар, Р. Дагва нарыг чөлөөлөн Д.Авирмэд, Б.Саранчимэг, Б.Төмөрчулуун нарыг оруулах тухай санал орууллаа. Энэхүү саналыг НИТХ-ын хурлын төлөөлөгчид дэмжин НИТХ-ын Тэргүүлэгчдийн бүрэлдэхүүнийг өөрчлөн батлалаа. Ингэснээр НИТХ-ын Тэргүүлэгчээр С.Ононбаяр, Д.Хүрэлбаатар, Д.Батчимэг, Д.Байдраг, Д.Оросоо, Ш.Одгэрэл, Б.Отгонбаяр, Д.Авирмэд, Б.Саранчимэг, Б.Төмөрчулуун нар ажиллана гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.