НИТХ-ын Тэргүүлэгчид маргааш хуралдана

Нийслэлийн иргэдийн Төлөөлөгчдийн Хурлын Тэргүүлэгчдийн ээлжит хуралдаан хоёрдугаар сарын 17-ны өдөр буюу мягмар гарагт болно. Хуралдаанаар дараах асуудлыг хэлэлцэнэ. Үүнд:

• Улаанбаатар Их сургууль орон нутгийн өмчит үйлдвэрийн газрыг байгуулж, дүрмийг батлах тухай

• Үнэлгээний хороонд иргэний төлөөллийг томилох тухай

• Журам батлах тухай / Улаанбаатар орон сууц сангаас төрийн албан хаагчдад орон сууцны урьдчилгаа төлбөрийн дэмжлэг үзүүлэхэд баримтлах журам /

• Хөтөлбөр батлах тухай / Нийслэл орчмын бэлчээрийн менежментийг сайжруулах, хөдөө аж ахуйн үйлдвэрлэлийг дэмжих хөтөлбөр /

• НИТХ-ын хуралдаанаар хэлэлцэх асуудлыг дэмжих тухай / НИТХ-ын хуралдааны дэгд өөрчлөлт оруулах тухай / асуудлыг хэлэлцэнэ.