НОБГ: 129 иргэний амь нас, 2 тэрбум 322 сая төгрөгийн өмч хөрөнгийг авран хамгааллаа

Нийслэлийн хэмжээнд өнгөрсөн долоо хоногт аврах ажиллагааны 9, гал түймрийн 30 дуудлагаар алба хаагчид шуурхай үүрэг гүйцэтгэж, 129 иргэний амь нас, 2 тэрбум 322 сая төгрөгийн өмч хөрөнгийг авран хамгаалж ажиллалаа.

Цаг агаарын аюулт үзэгдлийн улмаас иргэд автомашинтайгаа цасанд суусан дуудлага мэдээлэл зонхилж, алба хаагчид хөлдөж, осгохоос авран хамгаалав.

Ойрын өдрүүдэд хүйтний эрч чангарах тул гэр, сууцны галлагааг хэтрүүлэлгүй, угаарын хийн хордлогоос эрүүл мэнд, амь насаа хамгаалахыг онцгойлон анхааруулж байна.

Эх сурвалж: НОБГ