Ногоон бүсэд аялахдаа болзошгүй галын аюулаас сэрэмжлэхийг анхааруулж байна

Баяр наадмын өдрүүдэд нийслэлчүүд ногоон бүсэд аялж зугаалдаг тул Нийслэлийн онцгой байдлын газраас иргэдийг аялал зугаалгаар явахдаа галын аюулгүйн төхөөрөмжөөр тээврийн хэрэслээ тоноглох, үнс нурмаа ил, задгай асгахгүй байх, ил түлсэн гал, цог нурам, татсан тамхи, шүдэнзний галыг бүрэн гүйцэд унтраахыг сануулъя.

Ногоон бүсэд үйл ажиллагаа явуулдаг иргэн, аж ахуйн нэгж байгууллага, амралтын газруудыг ой хээрийн түймрээс урьдчилан сэргийлэх чиглэлээр хамгаалалтын зурвас татаж, түймэр унтраах багаж хэрэгслийг зайлшгүй бэлтгэсэн байхыг Онцгой байдлын газраас анхааруулж байна.