"Ногоон паспорт-Ногоон төгөл" модлог ургамлын цэцэрлэгт хүрээлэнгийн нээлт боллоо

"Ногоон паспорт-Ногоон төгөл" модлог ургамлын цэцэрлэгт хүрээлэнгийн нээлт Завхан аймагт боллоо. Нээлтэд УИХ-ын гишүүн З.Нарантуяа, БОАЖЯ-ны Ойн бодлого зохицуулалтын газрын дарга Б.Оюунсанаа болон орон нутгийн удирдлагууд, эко клубын сурагчид оролцож, 11 төрлийн 500 ширхэг суулгацыг 3.5 га газарт суулгалаа.

Төгөл байгуулах ажлыг БОАЖЯ-наас долоодугаар сард эхлүүлсэн бөгөөд 21 аймаг, 9 дүүрэгт тус бүр 3.5 га газарт усалгааны систем, сүүдрэвч бүхий төгөл байгуулах юм.

Энэхүү төглийг эко клубын сурагчид хамтран байгуулж, хамгаалалтын ажлыг аймгийн БОАЖГ-ууд хариуцаж ажиллах аж.