Ноолуур сайтай ямааны үржлийн фермтэй болжээ

Хөвсгөл аймгийн Төмөрбулаг сумын Бүгсийн гол, Тариат нутгийг ямааны орон гэдэг байна. Эрчимийн нурууны өвөр, Бүгсийн голын сав нутгаар дээр үеэс нутгийн иргэд хар хөх зүсмийн ноолуур сайтай ямаа өсгөн үржүүлж байжээ.

Нутгийн шилдэг омгийн энэ ямаан сүрэгт шилэлт сонголт хийж үржүүлсний үр дүнд “Эрчим” гэдэг ноолуур сайтай ямааны үржлийн ферм бий болж, ямаан сүргийн үүлдэр угсаа сайжирсан байна. Төмөрбулаг сумын мянгат малчин н.Чойдогбавуу өнөө жил Хөвсгөл аймгийн “Сайн малчин” болсон юм. Малчны хотонд шинэ төлийн дуу цангинаж байна.