Ноос ноолуур, арьс шир боловсруулах үйлдвэрүүдэд төлөвлөгөөт шалгалт хийж байна

Хан-Уул дүүргийн нутаг дэвсгэрт арьс шир, ноос ноолуур боловсруулах үйл ажиллагаа явуулж буй аж ахуйн нэгжүүдэд “Төрийн хяналт шалгалтын тухай”, Зөрчлийн тухай, Байгаль орчны багц хууль, норм дүрмийн хүрээнд төлөвлөгөөт хяналт шалгалт хийлээ.

Шалгалтаар Байгаль орчны менежментийн төлөвлөгөөгүй үйл ажиллагаа явуулсан, үйлдвэрлэлийн үйл ажиллагаанаас гарсан аюултай хог хаягдлаа эрх бүхий байгууллагад хүлээлгэж өгдөггүй, тусгайлсан цэгт нийлүүлдэггүй зэрэг зөрчил дутагдлууд илэрлээ.

Зөрчил гаргасан 7 аж ахуйн нэгж байгууллагад Зөрчлийн тухай хуулийн дагуу торгуулийн арга хэмжээ авч, зөрчил аргилгах талаар улсын байцаагчийн хугацаатай албан даалгавар хүргүүллээ. Мөн Covid-19 халдвараас сэргийлэх талаар зөвлөгөө зөвлөмж өгч, мэдээлллээр ханган ажиллалаа.

Эх сурвалж: НМХГ