Ноосны урамшуулалд малчид шүүмжлэлтэй хандаж байна

Ноос ноолуур, арьс ширний урамшууллыг зөвхөн хоршооны гишүүн малчин өрхөд өгдөг нь буруу гэж хашир малчин хэллээ. Манай улсын мал аж ахуйн салбар зөвхөн хоршоо хэлбэрээр биш, ямар ч байдлаар хөгжиж болно. Тухайлбал, хадлан тэжээл сайтай төв суурин газар эрчимжсэн мал аж ахуйг хөгжүүлж болох юм.

Харин манай сум шиг бэлчээр сайтай газар хоршооны маллагаа тохирохгүй. Гэтэл төрөөс хоршоонд нэгтгэхийн тулд хэт өрөөсгөл бодлого барьж байна гэж Төв аймгийн Баянжаргалан сумын мянгат малчин н.Ойдов шүүмжиллээ.