НҮБ-ын эмэгтэйчүүдийн аж байдлын "Төгсгөлийн баримт бичиг"-ийг батлав

НҮБ-ын Эмэгтэйчүүдийн аж байдлын Комиссын ээлжит 58 дугаар чуулган АНУ-ын Нью-Йорк хотноо 2014 оны гуравдугаар сарын 10-21-ний өдрүүдэд амжилттай болж өндөрлөсөн.

Энэхүү чуулганаас гарах "Төгсгөлийн баримт бичиг"-ийг НҮБ-ын гишүүн орны төлөөллүүд нухацтай хэлэлцсэний эцэст зөвшилцөлд хүрч баримт бичиг батлагдлаа.

"Төгсгөлийн баримт бичиг"-т гишүүн орны төлөөллүүд охид, эмэгтэйчүүдийн эсрэг бүхий л хэлбэрийн хүчирхийллийг таслан зогсоох, Бээжингийн Тунхаглалын хэрэгжилтийг эрчимжүүлэх, эмэгтэйчүүдийн эрхийг хамгаалах, жендэрийн тэгш байдлыг хангах, эмэгтэйчүүдийг чадавхижуулах, шийдвэр гаргах түвшний эмэгтэйчүүдийн оролцоог нэмэгдүүлэх, эхийн эндэгдлийг бууруулах зэрэг асуудлуудыг санал нэгтэйгээр тусгасан байна. "Төгсгөлийн баримт бичиг"-ийн ач холбогдол нь эмэгтэйчүүдийн эрх ашгийг хамгаалахад улс орнуудын баримтлах чиг хандлагыг нэгдмэл болгоход оршиж байгаа ажээ.