НҮБ-ын шинжээчид Фүкүшимаг шалгана

НҮБ-ын Цөмийн эрчим хүчний агентлагийн шинжээчид арав­дугаар сарын сүүлчээр Япон улсад айлчилж атомын цахилгаан стан­цад нь шалгалт хийх болсон та­лаар "Ройтерс" агентлаг мэдээл­жээ. Тодруулбал, энэ сарын 14-21-ний өдрүүдэд тус улсын "Фү­кү­шима-1" АЦС-д тэд судалгаа шин­жилгээ хийж эхлэх аж.

Сүүлийн үед тус станцын газар доорх нөөцлүүрээс дахин цацраг идэвхит бодистой ус их хэмжээгээр алдагдаж буй талаар мэдээлж байгаа билээ. Бохирдсон газрыг цэвэр­лэхээр Японы ТЕПКО компа­ниас ажлын баг томилогдон ажил­лахаар болсон юм.

Тэгвэл НҮБ-ын шин­жээчдийн тус баг ажлын явцтай нь танилцаж дүн шинжилгээ хийх зорилготой аж. Нийт 16 хүнээс бүрдсэн баг арав­дугаар сарын 16-18-ны хооронд ажлаа эхлүүлнэ. Тэд Фүкүшима мужийн нөхөн сэргээлтийн талаар судалгаа явуулж, баримт цуглуулан аравдугаар сарын 21-нд Засгийн газартаа тайлагнахаар болжээ.