Нөхөн сэргээлтийн ажилд хяналт тавьж байна

Өвөрхангай аймгийн Засаг даргын захирамжаар БОАЖГ, Мэргэжлийн хяналт, Татвар, Онги-Таац голын сав газрын захиргаа, Цагдаагийн байгууллагаас бүрдсэн ажлын хэсэг Уянга суманд ашигт малтмалын ашиглалтын тусгай зөвшөөрөлтэй үйл ажиллагаа явуулж байгаа уул уурхайн нөхөн сэргээлтийг эрчимжүүлэх, 2021 оны нөхөн сэргээлтийн төлөвлөгөөний хэрэгжилтэд хяналт тавьж ажиллалаа.

Ашигт малтмалын ашиглалтын тусгай зөвшөөрөлтэй 3 аж ахуйн нэгж техникийн сэргээлт 68 га, биологийн нөхөн сэргээлт 10.2 га талбайд хийхээр төлөвлөснөөс өнөөдрийн байдлаар 70 хувийн гүйцэтгэлтэй явж байна.

Эх сурвалж: Өвөрхангай аймгийн Мэргэжлийн хяналтын газар