Нүүрсний хэрэглээ жилдээ 2.1 хувиар өснө

Дэлхийн нүүрсний хэрэглээ 2019 он хүртэл жилд дунджаар 2.1 хувиар өснө гэж Олон улсын эрчим хүчний агентлаг тооцоолжээ. Энэхүү өсөлтийн талаас илүү хувийг Хятадын зах зээл бүрдүүлэх юм байна. Тус улсын эрх баригчид сэргээгдэх эрчим хүчний хэрэглээгээ тэлэх бодлого баримталж буй ч ирэх таван жилд нүүрсний хэрэглээ нь олон улсын дунджаас илүү хурдтай буюу жилд 100 гаруй сая тонноор өсөх аж.

Түүнчлэн Энэтхэг улсын нүүрсний хэрэглээ нь хамгийн хурдтай өсөх зах зээл гэж ОУЭХА харж байгаа юм. Харин Европ сэргээгдэх эрчим хүчний хэрэглээгээ тэлж байгаа учраас нүүрсний хувьд ашиггүй зах зээл болж байгааг тус агентлаг мэдээллээ.