Нөөшилсөн бүтээгдэхүүн үйлдвэрлэгчдийг шалгалаа

Нөөшилсөн бүтээгдэхүүн үйлдвэрлэдэг аж ахуйн нэгжүүд дотоод хяналтын журам мөрдөж ажиллахгүй байна. МХЕГ-аас нөөшилсөн бүтээгдэхүүн болох даршилсан ногоо, кимчи зэргийг үйлдвэрлэдэг 18 газарт шалгалт хийжээ. Шалгалтаар эдгээр газрууд зориулалтын ажлын байргүй, дотоодын хяналтын журам мөрдөж ажиллаагүй нь илэрч 2 аж ахуйн нэгжийн үйл ажиллагааг зогсоосон байна. Зөрчил илэрсэн газруудад албан бичиг хүргүүлж, мөнгөн торгуул ногдууллаа. Нөөшилсөн бүтээгдэхүүн нь хүнсний аюулгүй байдалтай шууд холбоотой. Тиймээс хяналт, шалгалт байнга тавих хэрэгтэй гэдгийг албаны хүн хэллээ.