Нөөцийн махны өргөтгөсөн худалдаа болж байна

“Хүнсний гол нэрийн бараа бүтээгдэхүүний үнийг тогтворжуулах” дэд хөтөлбөрийн хүрээнд дүүргийн хүн амын 2014 оны өвөл, хаврын улирлын махны хэрэгцээнд зориулан нөөцийн мах худалдан борлуулах “Нөөцийн махны менежер”-ээр “Баатрууд тэнгэр”, “Эй Эн Ди Эм” ХХК-иуд ажиллаж байгаа аж.

Сар шинийн баярыг тохиолдуулан 2014 оны өнгөрсөн долоо хоногоос эхлэн 29-ний өдрийг хүртэл “Скай” их дэлгүүрийн гадаа талбай, “Дүнжингарав” худалдааны төвийн урд талбайд, “Тэнгэр” бөөний төвийн гадна талбай зэрэг нийт 3 цэгээр нөөцийн махны өргөтгөсөн худалдааг зохион байгуулж байна.