О.Баасанхүү Ерөнхий сайдтай хийх халз мэтгэлцээнээ хойшлуулжээ
Учир нь Ерөнхий сайд Ч.Сайханбилэгийг халз мэтгэлцээнд дуудсан ч ямар нэгэн хариу өгөхгүй байгаа учир ийнхүү хойшлуулж байгаа аж.
Мэдээллийн алба
УИХ-ын гишүүн О.Баасанхүү өнөөдөр хэвлэлийн бага хурал хийж, Ерөнхий сайдтай хийх халз мэтгэлцээнээ хойшлуулж буйгаа мэдэгдлээ. Учир нь Ерөнхий сайд Ч.Сайханбилэгийг халз мэтгэлцээнд дуудсан ч ямар нэгэн хариу өгөхгүй байгаа учир ийнхүү хойшлуулж байгаа аж.
Ерөнхий сайдтай хийх халз мэтгэлцээний товыг гуравдугаар сарын 12-ны 19:00 цаг гэж байсан ч Ерөнхий сайд ямар ч хариу өгөөгүй тул мэтгэлцээний товыг 14 хоногоор хойшлуулж гуравдугаар сарын 23-нд хийхээр болсон байна. Хэрэв товлосон хугацаанд хариу өгөхгүй бол дөрөвдүгээр сарын таванд УИХ-ын чуулганыг нээх үеэр Ерөнхий сайдаас “Яагаад мэтгэлцээнд ирээгүй вэ” гэдэг асуултанд хариулт авна. Хэрэв мэтгэлцээндээ ирэх юм бол Хуримтлалын сан бүрдүүлэх бодлого болон Хот тосгоны эрх зүйн байдлын тухай хуулийг хэрэгжүүлэх талаар асуулт асууна гэлээ.
