“Одонт хороо-миний хороо” өдөрлөг өнөөдөр болно

Дорнод аймгийн Цэргийн штаб, Хилийн 0146 дугаар ангитай хамтран зохион байгуулах “Одонт хороо-миний хороо” хил хамгаалах байгууллагын үйл ажиллагааг сурталчлах өдөрлөг өнөөдөр тус аймгийн Тусгаар тогтнолын талбайд 14:30 цагт болох гэж байна.

Өдөрлөгийн хүрээнд Монгол Улсын хошой баатар, маршал Х.Чойбалсангийн хөшөөнд цэцэг өргөх ёслолын ажиллагаа, Хилийн 0146 дугаар ангийн үйл ажиллагааг сурталчлах, “Одонт хороо-Миний хороо” хилийн 0146 ангийн уран бүтээлчдийн “Хилчдийн жавхаа” урлагийн тоглолт Хөгжимт драмын театрт болох аж.