Огцом хүйтэрснээс малын өтөг бууц хөлдөх, мал хэвтрээсээ даарч бээрэх байдал ажиглагдлаа

Өвлийн бэлчээрийн цасны явуул судалгааны ажиглалтыг Ховд аймгийн 17 сумын 91 багийн 84 цэгт 2024 оны нэгдүгээр сарын 21-ээс 27-ны хооронд хийж гүйцэтгэлээ. Цасны хэмжилт, судалгаагаар Алтайн өвөр говийн сумдын нутгаар цас ихтэй цасны дундаж зузаан 8-14 см цасны нягт 0.09-0.16 г/см3 байна.

Уулархаг нутгаараа тарлантсан цастай, цасны дундаж зузаан 1-2 см, 5-9 баллын цастай байна.

Их нууруудын хотгорын сумдын нутгаар цасны дундаж зузаан 1-4 см, цасны нягт зарим газраа 0.10-0.18 г/см3 байна. Энэ бүс нутгаас хамгийн их цастай байгаа Дарви, Эрдэнэбүрэн сумдаар 4-5 см зузаан цастай, битүү цасан бүрхүүлтэй байна. Нийт нутгаар 1-р сарын дундаас огцом хүйтэрснээс малын өтөг бууц хөлдөх, мал хэвтрээсээ даарч бээрэх байдал ажиглагдаж байгаа боловч малын бэлчээрлэлт, өвөлжилтөнд одоогоор хүндрэл үүсээгүй байна.

Эх сурвалж: Ховд Ус, Цаг уур орчны шинжилгээний төв