Ой, хээрийн түймэр унтраахад ашиглах хоёр ажиллагаат сүх

Архангай аймгийн Онцгой байдлын газрын Гал түймэр унтраах, аврах 51 дүгээр ангийн алба хаагчид ой, хээрийн түймэр унтраахад ашиглах хоёр ажиллагаат сүх хийлээ. Алба хаагчид цахилгаан хөрөөний хаягдал ган төмрийг ашиглан хоёр ажиллагаат 16 ширхэг сүхийг хийж, түймэр унтраахад ашиглаж байна.

Ойн түймэр унтраах үед модны мөчир, үндэс хөвдийг тасдаж галын голомтоос тусгаарлахад зориулагдсан, хөнгөн, олон үйлдэлтэй гэдгээрээ онцлог юм гэж Архангай аймгийн Онцгой байдлын газраас мэдээллээ.