Ойрын 10 хоногийн цаг агаарын урьдчилсан төлөв
14-нд Хангай, Хөвсгөл, Хэнтийн уулархаг нутгаар, 15-нд Хэнтийн уулархаг нутгаар, 17-нд Алтайн уулархаг нутаг болон Увс нуурын хотгороор, 18-нд баруун болон төвийн аймгуудын нутгийн зарим газраар, 19-нд баруун, төв, зүүн аймгуудын нутгийн зарим газраар, 20-нд Халх голын сав газраар ялимгүй цас орно.
Мэдээллийн алба
2025 оны 02 дугаар сарын 14-нөөс 02 дугаар сарын 24-нийг хүртэлх
10 хоногийн цаг агаарын урьдчилсан төлөв
Хур тунадас: Хоёрдугаар сарын 14-нд Хангай, Хөвсгөл, Хэнтийн уулархаг нутгаар, 15-нд Хэнтийн уулархаг нутгаар, 17-нд Алтайн уулархаг нутаг болон Увс нуурын хотгороор, 18-нд баруун болон төвийн аймгуудын нутгийн зарим газраар, 19-нд баруун, төв, зүүн аймгуудын нутгийн зарим газраар, 20-нд Халх голын сав газраар ялимгүй цас орно.
Салхи: Ихэнх хугацаанд говь, тал, хээрийн нутгаар секундэд 5-10 метр, зарим үед секундэд 15-17 метр хүрч нутгийн өмнөд хэсгээр шороон шуурга шуурна.
Агаарын температур: Увс нуурын болон Дархадын хотгор, Завхан голын эх, Идэр, Тэс, Байдраг, Халх голын хөндийгөөр шөнөдөө 31-36 хэм, өдөртөө -20-25 хэм, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 25-30 хэм, өдөртөө 11-16 хэм, цас багатай энгэр ээвэр газар болон говийн бүс нутгийн өмнөд хэсгээр шөнөдөө 8-13 хэм, өдөртөө 1-6 хэм хүйтэн, бусад нутгаар шөнөдөө 17-22 хэм, өдөртөө 5-10 хэм хүйтэн байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 15,19-нд ялимгүй цас орно. Бусад хугацаанд цас орохгүй.
Салхи: Ихэнх хугацаанд секундэд 5-10 метр, 15,19-нд баруун өмнөөс баруун хойш эргэж секундэд 12-14 метр хүрч ширүүснэ.
Агаарын температур: Яармаг-Сонгины орчмоор шөнөдөө 25-30 хэм, бусад хэсгээр шөнөдөө 18-23 хэм, өдөртөө 5-10 хэм хүйтэн байна.
