ОХУ агаарын хамгаалах ЭС-400 системээ Сирид байрлууллаа

ОХУ агаарын хамгаалах систем Эс-400-г өөрийн цэрэг армийнханы аюулгүй байдлыг хамгаалах зориулалтаар Сирийн нутагт байрлуулжээ. Энэхүү стратегийн чухал зэвсгийг Сирийн Латаки боомт хот дахь агаарын цэргийн баазыг хамгаалах зориулалтаар ашиглах юм байна.

Өнгөрсөн мягмар гарагт ОХУ-ын цэргийн онгоцыг Туркийн зэвсэгт хүчнийхэн сөнөөсөнтэй холбогдуулан Москва өнгөрсөн есдүгээр сараас хойш Сирийн нутаг дэвсгэрт Исламын улс бүлэглэлд агаарын цохилт өгч байгаа агаарын хүчнийхнээ хамгаалахад Эс-400 системийг ашиглахаар шийдвэрлэжээ. Оросын тал "Исламын улс" бүлэглэлийн байршлуудыг бөмбөгдөж байгаа Оросын агаарын цэргийнхэн Америкийн тэргүүлж байгаа олон улсын эвслийн цохилтонд өртөхгүй гэх баталгаа байхгүй учир пуужингаас эсэргүүцэн хамгаалах хамгийн дэвшилтэт техникээ ашиглахаар шийдвэрлэсэн. Энэ системийн Терроризмын эсрэг тэмцэгч түнш орнуудынхаа эсрэг ашиглах зорилгоор Латаки боомтод байрлуулаагүй гэдгээ Москва мэдэгджээ.