ОХУ-тай барилга, орон сууцны салбарт хамтарна

Барилга, хот байгуулалт, орон сууц, нийтийн аж ахуйн салбарт хамтран ажиллахаар Монгол Улсын Барилга хот байгуулалтын яам, ОХУ-ын Барилга, Орон сууц-Нийтийн аж ахуйн яамны төлөөлөгчид өнөөдөр зөвлөлдөх уулзалт зохион байгуулж байна.

Социализмын үед барьсан томоохон бүтээн байгуулалтууд, инженерийн шугам сүлжээ бүхэлдээ ОХУ-ын зураг төслийн дагуу хийгдсэн байдаг. Тиймээс олон жилийн дараа сэргэж байгаа энэхүү хамтын ажиллагааны ач холбогдол өндөр юм. Хамтран ажиллах чиглэлийн талаар Барилга, хот байгуулалтын яамны Төрийн нарийн бичгийн дарга С.Магнайсүрэн ингэж ярилаа.