ОХУ, Туркийн ерөнхийлөгч нар утсаар ярьлаа

ОХУ-ын ерөнхийлөгч Владимир Путин, Туркийн ерөнхийлөгч РежепТайипЭрдоган нар утсаар ярьж, дэлхийн хэмжээнд тулгамдаж байгаа асуудлууд, тэр дундаа ОХУ-ын аюулгүй байдлыг хангах хууль ёсны хүчинтэй гэрээ байгуулах тухай сүүлийн үеийн саналуудыг хөндсөн, хоёр орны түншлэлийн харилцааг хөгжүүлэхээр шийдсэнээ дахин нотоллоо гэж Кремлийн хэвлэлийн алба ням гарагт мэдэгдлээ.

"Владимир Путин, РежепТайипЭрдоган нар бие биедээ шинэ оны мэнд дэвшүүлж, хоёр талын хамтын ажиллагааг дүгнэж, Орос, Туркийн харилцан ашигтай түншлэлийн харилцааг цаашид ахиулах шийдвэртэй байгаагаа дахин нотолсон" гэж тус мэдэгдэлд дурджээ.

Мөн, хоёр удирдагч харилцаагаа үргэлжлүүлэхээр тохиролцсон гэж Кремлийн хэвлэлийн алба мэдэгдсэн. үүнтэй зэрэгцэн АНУ-ын ерөнхийлөгч Жозеф Байден Украины ерөнхийлөгч Владимир Зеленскийтэй ням гарагт утсаар ярьж, аюулгүй байдлын баталгааны асуудлаар ОХУ-тай хийх хэлэлцээний талаар санал солилцсон тухай Цагаан ордны хэвлэлийн албанаас мэдээллээ.

Жозеф Байден, Владимир Зеленский нар ирэх долоо хоногоос эхлэх хоёр талын стратегийн тогтвортой байдлын яриа хэлэлцээ, НАТО болон Европын аюулгүй байдал, хамтын ажиллагааны байгууллагын хүрээнд хийж байгаа дипломат хүчин чармайлтыг дэмжиж байгаагаа илэрхийлжээ.