ОХУ-ын Гадаад хэргийн орлогч сайд айлчилна

Монгол Улсын Гадаад харилцааны дэд сайд Д.Ганхуягийн урилгаар Оросын Холбооны Улсын Гадаад хэргийн орлогч сайд И.В.Моргулов энэ сарын 29-31-ий өдрүүдэд Монгол Улсад айлчилна. Айлчлалын үеэр Гадаад хэргийн орлогч сайд И.В.Моргулов Монгол Улсын Ерөнхий сайд Н.Алтанхуяг, Шадар сайд бөгөөд Монгол, Оросын Засгийн газар хоорондын комиссын монголын хэсгийн дарга Д.Тэрбишдагва, УИХ-ын дэд дарга бөгөөд Монгол, Оросын парламентын бүлгийн дарга Л.Цог, Гадаад харилцааны сайд Л.Болд нарт тус тус бараалхаж, Гадаад харилцааны дэд сайд Д.Ганхуягтай зөвлөлдөх уулзалт хийнэ.