ОХУ-ын Төрийн Думын дарга манай улсад айлчилна

УИХ-ын дарга З.Энхболдын урилгаар ОХУ-ын Холбооны Хурлын Төрийн Думын дарга Сергей Евгеньевич Нарышкин хоёрдугаар сарын 15-16-ны өдрүүдэд Монгол Улсад албан ёсны айлчлал хийхээр болжээ.

ОХУ-ын Холбооны Хурлын Төрийн Думын дарга С.Е.Нарышкин айлчлалынхаа хүрээнд УИХ-ын дарга З.Энхболдтой хэлэлцээ хийж, Монгол Улсын Ерөнхийлөгч Ц.Элбэгдоржид бараалхах аж. Мөн Ерөнхий сайд Ч.Сайханбилэг Оросын Холбооны Улсын ОХУ-ын Холбооны Хурлын Төрийн Думын дарга ноён С.Е.Нарышкинд бараалхах юм байна.

Тэрбээр айлчлалынхаа үеэр УИХ-ын чуулганы танхимтай танилцаж, Маршал Г.К.Жуковын хөшөөнд цэцэг өргөн, Г.К.Жуковын музейд зочлохын зэрэгцээ “Монгол-Оросын харилцааны түүх, уран зохиол”-ын сэдвээр ГХЯ-нд зохиогдох дугуй ширээний уулзалтад оролцох юм байна. Мөн Халх голын дайнд оролцсон дайчдын үнэмлэхийг БХЯ-нд хүлээлгэн өгөх ажээ.