ОХУ-ын уран нислэгийн Стрижи баг Миг-29 дахин давтагдашгүй үзүүлбэрээ Монголд толилуулна

Монгол Улсад Нисэх хүчин үүсэж хөгжсөний түүхт 100 жилийн ой энэ сарын 25-ны өдөр тохионо.

Энэхүү түүхэн өдөрт зориулан ОХУ-ын уран нислэгийн Стрижи баг Миг-29 онгоцоо хөлөглөн агаар зүсэн тэмүүлэх, дахин давтагдашгүй үзүүлбэрээ толилуулахаар энэ сарын 21-нд Монголд ирсэн билээ. Тэд тавдугаар сарын 25-нд уран нислэгийн үзүүлбэрээ үзүүлэх аж.

Ойн арга хэмжээ Буянт-Ухаа ОУНБ-д 2025 оны 05 дугаар сарын 25-ны өдрийн 09.30 цагаас эхэлнэ.

Энэ өдөр Нисэх хүчин, иргэний нисэхийн он цагийн, түүх, бахархлыг харуулсан үзэсгэлэн, цэргийн ёслолын жагсаал /техник, агаарын хөлгүүд/, нээлттэй хаалганы өдөрлөг-Авиа шоу, шүхрийн үзүүлэх тоглолт, ОХУ-ын “Стрижи” багийн уран нислэгийн үзүүлбэр, агаарын бөмбөлөг хөөргөх арга хэмжээ, урлагийн тоглолт, үдшийн цэнгүүн тус тус болно.