Олимпын эрхийн тэмцээн өнөөдөр эхэлнэ

"Токио-2020" олимпын эрх олгох бөхийн төрлүүдийн хамгийн сүүлийн тэмцээн болох Дэлхийн эрхийн тэмцээн өнөөдөр албан ёсоор эхэлнэ.

Болгар Улсын Софи хотноо энэ сарын 6-9-нд зохион байгуулагдах энэхүү тэмцээнд жин тус бүрийн финалд үлдсэн хоёр бөхөд олимпын их наадамд оролцох эрх олгох юм. Манай улсын хувьд хараахан эрхээ аваагүй байгаа таван жинд бөхчүүдээ сойж байна.

Тодруулбал:

Эрэгтэй:

57 кг жинд насанд хүрэгчдийн ДАШТ-ий хошой хүрэл медальт, МУГТ Э.Бэхбаяр

74 кг жинд 23 хүртэлх насны ДАШТ-ий хүрэл медальт, ОУХМ Б.Бямбадорж

86 кг жинд насанд хүрэгчдийн ДАШТ-ий мөнгөн медальт, МУГТ П.Өнөрбат

97 кг жинд Азийн танхимын наадмын хүрэл медальт, ОУХМ Ч.Алтангэрэл

Эмэгтэй:

62 кг жинд “Иван Яригин” олон улсын тэмцээний аварга, ОУХМ Х.Болортуяа

Тэмцээний хуваарь ёсоор өнөөдөр эрэгтэй жингүүдийн хэсгийн болон хагас шигшээ барилдаанууд явагдана.

Тэмцээний хуваарь /Улаанбаатарын цагаар/

15:00 цагт чөлөөт бөхийн 57, 65, 74, 86, 97, 125 кг жингийн урьдчилсан барилдаан

23:15 цагт ээлтийн ёслолын ажиллагаа

01:00 цагт дээрх жингүүдийн хагас шигшээ барилдаан явагдана.