Олон нийтийн цагдаагийн ажилтны сургалт эхэллээ

НЦГ-аас олон нийтийн цагдаагийн ажилтнаар ажиллуулах 190 иргэнийг бүртгэжээ. Иргэдийг сэтгэлзүйн сорил, хандлага тогтоох ярилцлага, эрүүл мэндийн нэгдсэн үзлэгт хамруулсны дараа сургалтад хамруулж эхэллээ. ЦЕГ-ын даргын 2014 оны долоодугаар сарын 28-ны өдрийн тушаалаар Олон нийтийн цагдаагийн ажилтны сургалтын хөтөлбөр, төлөвлөгөө баталсны дагуу тус газрын сургалт дадлагын төвтэй хамтран сургаж байна. Харин 190 олон нийтийн цагдаагийн ажилтны хувцас, тусгай хэрэгслийг энэ сардаа багтаан хийлгэх гэнэ.