Олон улсын боловсролын үзэсгэлэн энэ сарын 19-20-нд болно

Олон улсын боловсролын 20 дахь удаагийн үзэсгэлэн энэ сарын 19-20-ны өдрүүдэд “Blue sky” зочид буудалд болно. Уг үзэсгэлэнд 15 гаруй орны 40 гаруй шилдэг их, дээд сургууль оролцох юм. Түүнчлэн үзэсгэлэнгийн үеэр Солонгос улсын Засгийн газраас зарласан тэтгэлэгт хөтөлбөр мөн тус улсад суралцах визийн талаар Солонгос улсын Элчин сайдын яам мэдээлэл өгнө.

Мөн Орос болон Герман улсаас зарлаж буй тэтгэлэгт хөтөлбөрийн талаар мэдээлэл авах боломжтой. Бүх үйл ажиллагаа үнэ төлбөргүй явагдах ажээ.