Олон улсын эрдэм шинжилгээний хуралд амжилттай оролцов

Онцгой байдлын байгууллагаас ОХУ-д суралцаж байгаа офицер, сонсогчид эрдэм шинжилгээний хурал болон спортын тэмцээнүүдэд тогтмол амжилттай оролцож байна.

Тухайлбал, энэ сарын 28-ны өдөр ОХУ-ын Гал эсэргүүцэх албаны академиас зохион байгуулсан “Аюулгүй байдлын систем-2019” шинжлэх ухаан технологийн XXVIII олон улсын эрдэм шинжилгээний хуралд адъюнктийн 3 дугаар курсын суралцагч, хошууч Э.Ууганбаяр “Монгол улсын гэр, орон сууц, барилга байгууламж дахь галын аюулын эрсдэлийн үнэлгээ” сэдвээр илтгэл хэлэлцүүлэн, амжилттай оролцож “Диплом”-оор шагнагдлаа.

Мөн Иргэний хамгаалалтын Академийн IV курсын сонсогч, ахлах ахлагч Ш.Дашцэрэн ОХУ-ын спортын яамнаас Москвагийн их, дээд сургуулиудын дунд зохион байгуулдаг спортын олон төрөлт тэмцээнд амжилттай оролцож, VI зэргийн болзол ханган, алтан ялгах тэмдгээр шагнууллаа гэж Онцгой байдлын ерөнхий газраас мэдээллээ.