"Омикрон" хувилбараар өвдөөд эдгэсэн ч дахин халдвар авах эрсдэл өндөр байна
Одоогоор нийт батлагдаж байгаа халдварын тархалтын 99 хувийг "Омикрон" хувилбар эзэлж байна.
Мэдээллийн алба
"Цагийн хүрд" мэдээллийн хөтөлбөр: Сар шинийн дараагаас халдварын тохиолдол нэмэгдэхээр байгааг судлаачид анхааруулж байсан. Одоогоор нийт батлагдаж байгаа халдварын тархалтын 99 хувийг "Омикрон" хувилбар эзэлж байна.
Хичээл, сургууль эхлэх үеэр халдварын тоо 10-20 хувиар нэмэгдэнэ гэсэн тооцоолол гарчээ. Манайд "Омикрон"-ы хоёрдугаар хувилбар бүртгэгдээгүй, мөн "Омикрон"-ы хоёрдугаар хувилбар PCR шинжилгээгээр илрэх боломжгүй, генийн дарааллаар илрүүлнэ гэдгийг Эрүүл мэндийн яамнаас мэдээллээ.
Улсын онцгой комиссын дэргэдэх Эрдэмтдийн зөвлөлийн нарийн бичгийн дарга "Омикрон" вирусний нэгдүгээр хувилбараар өвдөөд эдгэсэн ч дахиад дараагийн хувилбараар өвдөх эрсдэл өндөр гэдгийг санууллаа.
