Он гарсаар Дорнод аймагт хоёр удаа түймэр гараад байна

Он гарсаар Дорнод аймагт хоёр удаа түймэр гараад байна. Аймгийн Онцгой байдлын хэлтэс холбогдох байгууллагуудтай хамтран ой хээрийн түймрээс урьдчилан сэргийлэх бодлогын баримт бичиг боловсрууллаа.

Хөдөөгийн иргэдийг эрсдлээс хамгаалж даатгалд бүрэн хамруулах, сургалт сурталчилгаа явуулах зэрэг ажил хийхийг энэ баримт бичигт тусгасан байна. Мөн сумдын Засаг дарга нарын ажлыг дүгнэх нэг шалгуур үзүүлэлт нь түймрээс урьдчилан сэргийлэх ажил байх юм байна. Ингэснээр тэдний ой хээрийн түймэртэй тэмцэх ажлын хариуцлага сайжирна гэж үзжээ. Дорнод аймгийн Онцгой байдлын хэлтсийн дарга н.Гантөмөр ингэж ярьж байна.